गुढीपाडव्याच्या शुभेच्छा !

नवीन वर्ष सगळ्यांना सुख समृद्धीचे जावो . 
सगळ्यांच्या इच्छा आकांक्षा पूर्ण होवोत . 
गुढीपाडव्याच्या तुम्हा सर्वांना खूप खूप शुभेच्छा ! 

गुरूची स्थानगत फले

गुरु ग्रहासंबंधी  माहिती आधी दिलीच आहेच .
http://anaghabhade.blogspot.in/2013/12/blog-post_27.html ( पत्रिकेतील गुरु ) 

स्थानगत ग्रहाच्या फलांचा अभ्यास केला तरी तो ग्रह  कोणत्या स्थानांचा अधिपती ( lord ) आहे . कोणत्या राशीत आहे . 
अजून कोणत्या ग्रहांशी युती किंवा योग करत आहे ह्यावर त्याचे फलित अवलंबून असते .
परंतु ह्या सगळ्याची  पायरी म्हणून स्थानगत फले अभ्यासायला हवीत .

 आपण गुरूची स्थानगत फले बघुयात . 

प्रथम स्थानी गुरु असता : प्रथम स्थानी गुरु असता त्याची दृष्टी ५,७,९ ह्या स्थानावर पडते . त्यामुळे अनुक्रमे संतती , विवाह , भाग्य ह्या स्थानावर गुरूची शुभ  दृष्टी येते .प्रथम स्थानी असणारा गुरु व्यक्तीस स्थूल बनवतो . तसेच गोरा रंग असणे हे पण  गुरूचेच फल आहे . ह्या स्थानातील  गुरु समाजिक कार्याची आवड निर्माण करतो .

द्वितीय स्थानी गुरु असता : द्वितीय स्थान हे कुटुंब स्थान आहे तसेच धन स्थान पण आहे . ह्या स्थानातील गुरु मोठ्या कुटुंबात जन्म दाखवतो . पैशांच्या दृष्टीने गुरु आर्थिक स्थिती चांगली ठेवतो . द्वितीय स्थानातील ग्रहांवरून कोणत्या पदार्थांची आवड आहे हे समजते . गुरु मुळे  गोड पदार्थ खाण्याची आवड असते . 

तृतीय स्थानी गुरु असता : ह्या स्थानावरून भावंडे, लिखाण इ. ह्या स्थानात गुरु असता त्याची दृष्टी विवाह व लाभ स्थानावर पडते जी ह्या दोन्ही स्थानाच्या दृष्टीने शुभ असते . ह्या स्थानातील गुरु  अभ्यासू वृत्ती देतो तसेच घरात पण ह्या व्यक्तींना महत्व असते . अक्षर गुरूमुळे सुंदर असण्याचीअसण्याची  पण शक्यता असते . भावंडे जास्त असतात . अर्थात आजकाल '  एक या दो बस ! ' असे असताना ह्या गुरूच्या फलाच  पडताळा येणे कठीण ! 
हे छोट्या प्रवासाचे स्थान आहे त्यामुळे असे प्रवासास गुरु चांगला . 

चतुथ स्थानी गुरु असता : ह्या स्थानावरून ग्रुहसौख्य, मातृसौख्य , घर , गाडी , मृत्यू समयीची स्थिती इ. विचार करतात . ह्या स्थानातील गुरु मातृ  सुख , गृहसौख्य चांगले देतो . शुक्रा बरोबर असेल तर वाहन सौख्य पण छान असते . अशुभ ग्रहांच्या योगातील गुरु हे सगळ्या सुखात बाधा आणतो . 

पंचम स्थानी गुरु असता : ह्या स्थानावरून संतती , विद्या इ. गोष्टी बघतात .  ह्या स्थानातील गुरु संतती सुखास तसेच शिक्षणाला चांगला असतो . तसेच उच्च शिक्षणाला पोषक असतो .  इथला गुरु कोणताही अभ्यास सातत्याने करण्याची वृत्ती देतो . बर्याच शिक्षकांच्या पत्रिकेत पंचमात गुरु असतो . 

षष्ठ स्थानी गुरु असता : ह्या स्थानावरून आजार, मातुल घराणे , नोकरी इ. बघतात . इथे गुरु असता मातुल घराण्याची  ( मामा, मावश इ. ) आर्थिक स्थिती चांगली असते . इथे बिघडलेला गुरु अपचन , पोटाचे आजार ,रक्तविकार , रक्त दोष 
डायबेटीस , यकृत ( लिव्हर ) इ. चे आजार होऊ शकतात . 

सप्तम स्थानी गुरु असता : ह्या स्थानावरून जोडीदार , विवाह , धनद्यातील भागीदार इ. बघतात वैवाहिक सौख्यास  इथे  गुरु  चांगला असतो  .बायकांच्या पत्रिकेत चंद्र किंवा गुरु बरोबर असलेला गुरु वैवाहिक सुखास चांगला परंतु पाप ग्रहांबरोबर असलेला वाईटच . पुरुषांच्या पत्रिकेत असा शुभ योगातील गुरु पत्नी सुशिक्षित व सुस्वभावी देतो . 

अष्टम स्थानी गुरु असता : हे मृत्यू स्थान आहे . इथला एकटा  गुरु शांत मरण दाखवतो. तसेच हे बायकोचे धनस्थान आहे . त्यामुळे बायकोकडून संपतिक लाभ होतात.

नवम  स्थानी गुरु असता : हे भाग्य स्थान आहे . तसेच उच्च शिक्षणाचे स्थान आहे . इथल्या गुरु मुळे व्यक्तीची वैचारिक बैठक चांगली असते . उच्च शिक्षणासाठी हा गुरु अतिशय चांगला .स्वकष्टावर आयुष्यात यशस्वी होतात .  अध्यात्माच्या दृष्टीने पण हा गुरु शुभ फले देतो . परदेश गमानासाठी पण नवम स्थान विचारात घेतले आहे . त्यामुळे इथला गुरु बर्याच वेळा शिक्षणासाठी परदेशी जाण्याची संधी देतो. तसेच धार्मिक स्थळांना भेटी देणे , सामाजिक कार्य करणे इ. गोष्टींकडे कल  असतो . 

दशम स्थानी गुरु असता : हे स्थान कर्म स्थान आहे . पारंपारिक ज्योतिष शास्त्रात वडिलांचा विचार ह्या स्थानावरून केला आहे . हा गुरु बौद्धिक क्षेत्रात व्यवसाय / नोकरी दाखवतो . तसेच उत्तम नाव लौकिक ,मान गुरूमुळे मिळते . गुरु पितृसुख पण चांगले  देतो . एकंदर दशमातील शुभयोगातील गुरु चांगलाच असतो . 

लाभ  स्थानी गुरु असता : ह्या स्थानावरून मित्रमंडळ , सर्व प्रकारचे लाभ इ. बघतात . इथे गुरु असता चांगले सुसंस्कृत , सुशिक्षित मित्र देतो . लाभतील गुरु आर्थिक दृष्ट्या पण चांगला .तसेच गुरूची सातवी दृष्टी पंचमावर असल्याने त्या दृष्टीने पण म्हणजे संतती सुखास चांगला असतो . 

व्यय स्थानी गुरु असता : ह्या स्थानावरून परदेश प्रवास ,मोक्ष त्रिकोणातील स्थानामुळे पारमार्थिक उन्नती वगेरे बघतात . इथला गुरु त्यामुळे पारमार्थिक उन्नती,  अध्यात्म साठी चांगला , हा गुरु परदेश प्रवास पण घडवून आणतो . साधारण साधारणपणे गुरु चर राशीत असता ( मेष,कर्क,तुल,मकर ) परदेशात थोड्य  काळाकरता वास्तव्य असते . द्विस्वभाव राशीत असता (मिथुन, कन्या,धनु,मीन ) परदेशात मध्यम काळाकरता वास्तव्य असते . स्थिर राशीत गुरु असता ( वृषभ  सिंह , वृश्चिक, कुंभ ) परदेशात दीर्घ  काळाकरता वास्तव्य असते . 

पत्रिकेतील हर्षल

पत्रिकेतील इतर ग्रहांच्या बरोबरीने हर्षल हा ग्रह पत्रिकेत तितकाच महत्वाचा आहे. अगदी सुरुवातीला जेव्हा पत्रिके सबंधित अभ्यासाला सुरुवात केली तेव्हा जर ह्या ग्रहाकडे दुर्लक्षच झाले परंतु नंतर मात्र कळून चुकले कि हा एक महत्वाचा व काही योगात / कुयोगात अति महत्वाचा ग्रह आहे .

हर्षल म्हटले कि  विलक्षण , प्रचंड ,रूढीभाय्य इ. विशेषणे आठवू लागतात . हर्षल म्हणजे लहरीपणा, तऱ्हेवाईकपणा . हर्षल म्हणजे वैज्ञानिक दृष्टीकोन , अचाट बुद्धिमत्ता , काहीतरी जगावेगळे करण्याचे धाडस . हल्ली चे सगळे वैज्ञानिक शोध हे हर्षलाच्या अमलाखाली येतात . हर्षल म्हणजे आकस्मिक घटनांचा कारक ग्रह आहे . 

हर्शल जेव्हा इतर ग्रहांच्या शुभयोगात विशेषत: नवपंचम योगात असतो तेव्हा शुभ फळे देतो  व वाईट योगात म्हणजे षडाष्टक , केंद्र , प्रतियोग व युतीत असतो तेव्हा अशुभ फळे देतो .
 बुध-हर्षल नवपंचम योग बुद्धिमत्तेच्या दृष्टीने उत्तम असतो . शुक्र -हर्षल नवपंचम योग कलेच्या दृष्टीने उत्तम असतो .
थोडक्यात सांगायचे तर हर्षल ज्या ग्रहाच्या नवपंचम योगात असतो त्या ग्रहाचे कारकात्वातील चांगले गुण वृद्धिंगत करतो . ज्या ग्रहांच्या युतीत किंवा अशुभ योगात असतो त्या ग्रहाच्या कारकत्वात नुन्यता आणतो . उदा शुक्र- हर्षल युती 
शुक्र- हर्षल प्रतियोग व केंद्र योग  वैवाहिक सुखाच्या दृष्टीने वाईटच . बर्याच वेळा घटस्फोटाच्या पत्रिकेत शुक्र - हर्षल ह्या  ग्रहांचा एखादा तरी कुयोग सापडतो . ( लगेच कोणाच्या पत्रिकेत असा कुयोग असेल तर घटस्फोट होणारच असे नका सांगू  बर का , कारण महादशा पण खूप महत्वाच्या असतात ह्याबाबतीत ) 

हर्षलची ढोबळमानाने फळे खालील प्रमाणे आहेत . 

प्रथमस्थानी हर्षल असता थोडा विक्षिप्त स्वभाव असण्याचा संभाव असतो . 

द्वितीयस्थानी  हर्षल असता अचानक उद्भवणारे खर्च किंवा आर्थिक संकटे येऊ शकतात . तसेच ह्यास्थानातील हर्षल 
असणाऱ्या व्यक्ती बोलण्यात फटकळ असण्याची शक्यता असते . 

तृतीयस्थानी हर्षल असता  उत्तम आकलन शक्ती , स्मरणशक्ती असते . 

चतुर्थस्थानी हर्षल असता मातृसौख्य व गृहसौख्य चांगले मिळत नाही बर्याच वेळा भांडणे होण्याचा संभाव असतो . 

पंचम स्थानी हर्षल असता बुद्धिमत्तेच्या दृष्टीने चांगला असतो . प्रथम व नवम स्थानी बुध , गुरु सारखे ग्रह असतील तर आकलन शक्ती व बुद्धिमत्ता चांगली असते . बायकांच्या पत्रिकेतील हर्षल abortions , delivery च्या वेळेस काही त्रास दाखवतो . 

षष्ठ स्थानी हर्षल असता अचानक उद्भवणारे आजार दाखवतो . कोणत्या ग्रहाच्या योगात हर्षल आहे त्यावर आजार अवलंबून असतो . उदा . मंगळा बरोबर असता उष्णतेचे विकार ,भाजणे ,मूळव्याध इ. 

सप्तम स्थानी हर्षल असता वैवाहिक सुखाला फारसा चांगला नसतो .  विवाह ठरण्यात  अडथळे येतात . ठरलेले लग्न मोडणे हा पण प्रकार होतो . 

अष्टम स्थानी हर्षल असता अकस्मात मृत्यू येण्याची शक्यता असते . 

नवम स्थानी हर्षल असता प्रदेश प्रवासाचे योग येतात . बर्याच वेळा ज्या माणसाना परदेश प्रवास करावा लागतो ( frequent flyer ) अशा लोकांच्या पत्रिकेत ह्या स्थानी हर्षल असण्याची शक्यता जास्त असते . 

दशम स्थानी हर्षल असता बर्याच वेळा नोकरी/ व्यवसायात बदल होतात . शुभ ग्रह योगात असणारा हर्षल व्यवसायात चांगली प्रगती दाखवतो तर अशुभ ग्रह योगात असणारा हर्षल व्यवसायात/ नोकरीत अडचणी दाखवतो. 

एकादश स्थानी हर्षल असता मित्रांशी पटत नाही . आर्थिक बाबतीत स्थिरता देत नाही . 

द्वादश स्थानी हर्षल पाप ग्रहांबरोबर असता वाईटच असतो . भांडणे ,मारामाऱ्या होण्याचा तसेच समाजात नाव खराब होण्याची शक्यता असते . 

वर  दिलेली सर्व हर्षलाची स्थानगत फळे ढोबळ मानाने दिलेली आहेत. मुख्यत्वे हर्षला चा कोणत्या ग्रहाशी योग होत आहे
त्यावरूनच जास्त अंदाज बांधता येतो .

हर्षल कुंभ राशीत चांगली फळे देतो . हर्षाल हा ग्रह विज्ञानाचा पुरस्कार करणारा ग्रह आहे तसेच कुंभ हि रास पण बौद्धिक रास असल्याने research वगेरे दृष्टीने फार चांगले .