रविची स्थानगत फले

रवि  संबंधी  माहिती आधी दिलीच आहेच .
http://anaghabhade.blogspot.in/2014/01/blog-post_26.html
( पत्रिकेतील रवि )

स्थानगत ग्रहाच्या फलांचा अभ्यास केला तरी तो ग्रह  कोणत्या स्थानांचा अधिपती ( lord ) आहे . कोणत्या राशीत आहे . अजून कोणत्या ग्रहांशी युती किंवा योग करत आहे ह्यावर त्याचे फलित अवलंबून असते .परंतु ह्या सगळ्याची प्रथम पायरी म्हणून स्थानगत फले अभ्यासायला हवीत .

पत्रिकेतील रवीच्या स्थानावरून सर्वसाधारण सर्वसाधारण पणे जन्मवेळेचा अंदाज येतो किंवा किती वाजता जन्म आहे ह्यावरून रवि पत्रिकेत कोणत्या स्थानात असेल ह्याचा अंदाज बांधता येतो म्हणजे जर प्रथम  रवि असेल तर सकाळी ६ ते ८ या दरम्यान जन्म असतो . व्यय स्थानी रवि असेल तर ८-१० या दरम्यान जन्म असतो . लाभ स्थानी रवि असेल तर सकाळी ८ ते १० या दरम्यान जन्म असतो.दशमस्थानी दशमस्थानीअसेल तर १० ते १२  दुपारी जन्म . नवम स्थानी असेल तर १२ते दुपारी २ मध्ये जन्म , अष्टमात असेल तर २-४ दुपारी  जन्म , सप्तम स्थानी असेल तर ४-६ संध्याकाळी जन्म , षष्ठ स्थानात असेल तर संध्याकाळी ६-८ मध्ये जन्म , पंचमात असेल तर रात्री ८-१० मध्ये जन्म , चतुर्थात असेल तर रात्री १२-२ मध्ये जन्म , तृतीय स्थानात असेल तर २-४ रात्रीचा जन्म व द्वितीय स्थानात ४-६पहाटेचा जन्म असे अनुमान घेता येते . 

पत्रिकेत रवि ज्या राशीत असतो त्यालाच sunsign असे म्हणतात . उदा . जर कर्क राशीत रवि असेल तर तुमची sunsign cancer आहे असे म्हणतात . पाश्च्यात्य  ज्योतिषशास्त्रात sunsign ला महत्व दिले आहे . लिंडा गुडमन चे sunsign वरील पुस्तक तर प्रसिद्ध आहेच. राशिगत रवीच्या अभ्यासाकरता हे पुस्तक चांगले आहे .

कोणत्याही ग्रहाचा राशिगत अभ्यास करण्याकरता त्या राशीचे गुणधर्म अधिक ग्रहाचा स्वभाव असे मिश्रण केले कि अंदाज येतो . तसेच स्थानगत फला  करता त्या स्थानावरून बघण्यात येणाऱ्या गोष्टी तसेच त्या ग्रहाचा स्वभाव व कारकत्व ह्याचे मिश्रण केले कि साधारण फलाचा अंदाज येतो .

एखाद्या व्यक्तीचा स्वभाव ठरण्यात त्याची त्याची लग्न रास , चंद्र रास आणि सूर्य रास ( sunsign )  गोष्टींचा महत्वाचा वाटा  असतो .

रविवरून पिता , सरकारी कामे / कर्मचारी , स्वाभिमान , गर्व , अधिकार ,अधिकारी व्यक्ती प्रतिकारशक्ती ,हृदय , पाठ,डोळ्यांचे आजार इ. गोष्टींचा विचार केला जातो .

आपण रवीची ची स्थानगत फले बघुयात . 

प्रथम स्थानात रवि असता : प्रतिकारशक्ती चांगली असते . भरपूर आत्मविश्वास असतो . समाजात मान असतो . 

द्वितीय स्थानात रवि असता : द्वितीय स्थान हे कुटुंब , धन स्थान आहे . ह्या स्थानावरून डोळे , घसा ह्या अवयव बघितले जातात . इथे रवि पापग्रहांबरोबर ( शनि,हर्शल,मंगळ , राहू )असेल तर डोळ्यांचे ,दातांचे 
किंवा घशाचे आजार असण्याची शक्यता असते . पापग्रहांबरोबरचा रवि आर्थिक नुकसान पण करतो . रवि-गुरु युती आर्थिक प्रगती दाखवते . 

तृतीय  स्थानात रवि असता : हे पराक्रम स्थान आहे . इथे असणारा रवि पण आत्मविश्वास चांगला देतो . 

चतृर्थ  स्थानात रवि असता : ह्या स्थानावरून ग्रुहसौख्य, मातृसौख्य , घर , गाडी , मृत्यू समयीची स्थिती इ. इतर ग्रहांच्या योगाप्रमाणे फळे मिळतात . पापग्रहांबरोबर असता चतुर्थ स्थानाची फारशी चांगली फळे मिळत नाहीत 

पंचम स्थानात रवि असता : ह्या स्थानावरून संतती , विद्या ,कला,उपासना  इ. गोष्टी बघतात. ह्या स्थानातील रवि पापग्रहांच्या योगात नसता संतती सुखास चांगला असतो . 

षष्ठ स्थानात रवि असता : ह्या स्थानावरून आजार, मातुल घराणे , नोकरी इ. बघतात. रवी हा सरकारी नोकरीचा कारक ग्रह आहे त्यामुळे बर्याच वेळा अशा नोकरीत अधिकार योग देतो . ह्या स्थानावरून आजारपण बघितले जाते त्यामुळे रवि पापग्रहांच्या युतीत , केंद्रयोगात किंवा प्रतियोगात असता त्या ग्रहांप्रमाणे आजाराचे स्वरूप ठरते . उदा . रवि- मंगळ युती हाडे मोडणे किंवा उष्णतेचे विकार देऊ शकते .

सप्तम स्थानात रवि असता : ह्या स्थानावरून जोडीदार , विवाह , धनद्यातील भागीदार इ.बघतात . जोडीदार मानी असतो . बर्याच वेळाग्रहांबरोबर असलेला रवि वैवाहिक सौख्य देत नाही विशेषत: बायाकांच्या पत्रिकेत रवि , मंगळ पापग्रहांच्या योगात असतील तर वैवाहिक सौख्य फारसे चांगले नसते . 

अष्टम स्थानात रवि असता : प्रतिकार शक्ती कमी असते . बर्याच वेळा अष्टमातील ग्रह बर्याच वेळा  मनस्ताप देतात . सरकार दरबारी SUPPORT न करणारा इथला रवि आहे . 

नवम स्थानात रवि असता : हे भाग्य स्थान आहे तसेच परदेश गमन पण ह्या स्थानावरून बघतात . हे स्थान रवीच्या दृष्टीने सामाजिक प्रतिष्ठा मिळवून देण्यात मदत करणारे आहे . 

दशम स्थानात रवि असता : हे स्थान रविकरता एक शुभ स्थान आहे . इथला रवि नोकरीत विशेषत: सरकारी नोकरीत चांगला हुद्दा  आणि मान असतो . सत्त्तेत असणार्यांन करता पण हा रवि शुभ फले देतो . 

एकादश / लाभ स्थानात रवि  असता : एकंदरच लाभातील ग्रह  आर्थिक दृष्ट्या शुभ फळे देतात . लाभ स्थानातील रवि आर्थिक लाभास चांगला . इच्छा आकांक्षा पूर्ण करणारा आहे . 

व्यय / द्वादश स्थानात रवि असता : इथला रवि पाप ग्रहांच्या योगात असेल तर आर्थिक नुकसान , डोळ्यांचे त्रास आणि बंधनयोग देणारा आहे . 

इथे रवीची स्थानगत फले जरी दिली असतील तरी  ढोबळमानाने अंदाज येण्यासाठीच त्याचा उपयोग जास्त आहे .कोणत्याही  ग्रहाची फले हि त्याच्या महादशेत व अंतर्दशेत प्रामुख्याने मिळत असतात . तसेच स्थानगत फलांपेक्षा त्याचे इतर ग्रहांशी होणारे योग जास्त प्रभावी वाटतात . 
महादशेच्या interpretation करता कृष्णमुर्ती पद्धती मला जास्त प्रभावी वाटते . त्याबद्दल पण पुढे लिहिण्याचा विचार आहेच .